Este verán non está sendo moi prolífico, teño demasiadas ocupacións mundanas. Pero algo vai saíndo.
O reto de Cajade do mes de xullo consistía en decorar un cubo de Rubick coa técnica do Zentangle.
Confeso que o resultado sorprendeume moi gratamente, aínda que inicialmente non me atraía.
O mes de xuño non foi mes de moita creación (primeiro hai que atender o traballo).
Esta foi unha libretiña que fixen para unha compañeira de traballo.
E tamén participei no reto de Cajade que este mes consistía nunha ilustración feita con lapis de diferentes durezas baixo o tema da #transparencia. O meu resultado foi este:
O mes de maio foi moi activo. Participei no reto Flores de mayo de @cajade e @magdalenadepapel.
E cada día houbo a súa flor, a meirande parte usando acuarelas, pero ás veces, con outras técnicas.
O mes de abril foi variado.
Fixen unha excursión á cidade de Ferrol para visitar as Meninas de Canido e algún dos seus edificios modernistas. E por suposto quedou reflectido no meu diario de recortes.
O 11 de febreiro celebrouse a VI Art Night no Hotel Garelos de Betanzos. Organizada por Compás Proxectos a temática era "Especial Mascostas". Como eu non teño mascotas inspireime na obra de Frida Khalo "Yo y mis pericos" de 1941 e decidín pintar uns pericos. Velaquí o resultado.
Empezou o ano, e sen moito traballo artístico. Tan só un novo mandala rematado de colorear.
E vai sendo hora de poñer ao día o blog. Sempre me pasa o mesmo, o inverno vai pasando e non teño moito tempo para poñerme con isto ata que chega o verán.
Imos cos traballos de decembro do ano pasado.
O día 10 de decembro participei na IV Art Night no Hotel Garelos de Betanzos da man de Compás Proxectos. Nesta ocasión a obra foi o cadro "As tres barcas" de Francisco Lloréns. Aínda que o obxectivo para este tipo de eventos e rematar a obra nunha sesión, para este precisamos dúas sesión. Pero valeu a pena repetir.
